शेर्पा संघ अमेरिकाले नेपालमा शेर्पा पत्रकारहरुलाई हौसला प्रदान गर्न तथा व्यबसायिक पत्रकारिताको लागि प्रत्येक बर्ष एक जना लाई “शेर्पा पत्रकारिता पुरुस्कार” दिने

Description

शेर्पा संघ अमेरिकले विश्व शेर्पा दिवस अर्थात् ग्लोबल शेर्पा डेको अवसरमा शेर्पा पत्रकारिता पुरस्कार वितरण गरिएको छ । नेपाल शेर्पा संघको केन्द्रीय कार्यालयमा आयोजित एक कार्यक्रमकाबीच शेर्पा संघ अमेरिकले पत्रकारिता पुरस्कार वितरण गरिएको हो । विश्व शेर्पा संघका अध्यक्ष इन्जिनियर आङ दोर्जी शेर्पा लामाको प्रमुख आतिथ्यतामा पत्रकार सोनाम याङ्जी शेर्पालाई नगद २५ हजार १ रुपैयाँ पत्रकारित पुरस्कार प्रदान गरिएको हो । कार्यक्रम नेपाल शेर्पा संघका अध्यक्ष गेल्जे शेर्पा लामाले समाज रुपान्तरण र राज्यको मूलधारमा पहुँच स्थापित गर्न पत्रकारहरुको महत्वपुर्ण भूमिका रहेको बताउनुभयो । पत्रकारिता मार्फत समुदायको भाषा साँस्कृति विकास र प्रवर्दन गर्न योगदान दिइरहेको र पत्रकारलाई सम्मानका लागि पुरस्कार वितरण गरेर शेर्पा संघ अमेरिकाले नयाँ कार्यको शुरुवात गरेकोमा अध्यक्ष शेर्पाले खुसी व्यक्त गर्नुभयो । उहाँले शेर्पा समुदायबाट पत्रकारिता क्षेत्रमा रहेको व्याक्तिहरुलाई आगामी दिनमा निरन्तर सहयोग गर्ने बताउनु भयो । विश्व शेर्पा दिवस आगामी दिनमा भब्य रूपमा मनाउने प्रतिवदता पनि उहाँले व्यक्त गर्नुभयो । कार्यक्रम शेर्पा संघ अमेरिकका अध्यक्ष आङ जाङ्बु शेर्पाले समुदायको विकास गर्नका निम्ति पत्रकारिता क्षेत्रमा लागेका पत्रकारहरुलाई सम्पुर्ण संघ संस्थाले सहयोग गर्नु पर्ने र आफ्नो तर्फबाट सहयोग गर्ने विश्वस व्यक्त गर्नु भयो । विश्व शेर्पा संघका अध्यक्ष शेर्पाले विश्व शेर्पा दिवस कोरोना महामारी लगायतको कारणले भव्य रुपमा मनाउन नपाएको बताउनुभयो । विश्व शेर्पा संघ ‘जम्बुलिङ शेर्वी छोक्पा’ ले अक्टुबर ८ तारिख विशेष कार्यक्रमको साथ विश्व शेर्पा दिवस मनाउदै आएको छ ।